par Umuyobozi Mukuru wa Mutuelle de la Fonction Publique Annonciatte SENDAZIRASA, ari nawe yaserukiye Nyakubahwa Umushikiranganji wo Gushigikirana, Imibano agateka ka Zina Muntu n’Iterambere Ridakumira, yamenyesheje ko iryo shirahamwe ririko rirakora ibishoboka vyose kugigirango ribandanye rihurumbirwa n’abanywanyi baryo. Hari mu nama yo guhanahana ivyiyumviro hagati y’iryo shirahamwe, n’abanywanyi ba mutuelle bo mukarere ko hagati mu gihugu GITEGA, RUYIGI, CANKURO NA KARUSI bari bakoraniye mu ntara ya RUYIGI Kuwa kane igenekerezo rya 5 Myandagaro 2021.
Yamenyesheje abari aho ko mu misi iri imbere, Mutuelle de la Fonction Publique igiye kwitwa Mutuelle Nationale du Burundi.
Muri ivyo biganiro kandi, abavyitavye basavye ko amamangazine y’imiti (pharamacie) y’abigenga akorana na Mutuelle adatanga imiti kuri bon ya Mutulle kandi ihari, akayitanga kuri 100%, yohanwa hisunzwe amategeko kandi bikagaragara.
Nyakubhwa Dr. Noelle UWINEZA, Umuyobozi ajejwe kuvuza abanywanyi muri iryo shirahamwe yamenyesheje ko Mw’ishirahamwe Mutuelle imiti ikwiye ihari kuva aho itanguriye kurangura imiti ibicishije mw’ishirahamwe CAMEBU. Yamenyesheje ko imiti bita Generique isanzwe ikora nk’iyo bita spécialité ariko ko bitandukanye kuco ibitwemwo gusa (emballage).
Nayo Serges NTIRWIHISHA, Umubozi ajejwe Intwaro n’Ubutunzi akaba yasavye abaganga kubandanya bandikira abarwayi iyo miti kugirango ntizote garanti aidafashije abanywanyi.
Yasavye abarongoye intara, ba musitanteri n’abayobozi b’ibitaro bitandukanya kubandanya bariha uburyo baheraniye iryo shirahamwe kugirango ribandanye ryitaho neza cane abanywanyi baryo.
